Kreml Polşada Rusiya Baş Konsulluğunun bağlanmasını “ölkələr arasındakı münasibətlərin tam şəkildə degradasiya etməsi” kimi qiymətləndirib.
Gündəm24.az xəbər verir ki, Rusiya Prezidentinin mətbuat katibi Dmitri Peskovun sözlərinə görə, Polşada dəmir yolu xəttində baş verən insidentlə bağlı Rusiyaya yönəldilən ittihamlar tamamilə əsassız və sübutsuzdur.
O bildirib ki, ABŞ ordusunun nümayəndəsi, general Driskoll ilə Rusiya rəsmilərinin hər hansı təmas qurması planlaşdırılmır. Peskov əlavə edib ki, Rusiya və ABŞ arasında Alyaskada Ukraynada sülhün təmin olunması ilə bağlı aparılan müzakirələrdən sonra bu mövzuda heç bir yenilik baş verməyib. Kremlin nümayəndəsi həmçinin qeyd edib ki, Rusiya Silahlı Qüvvələri Ukraynada yalnız hərbi və hərbi məqsədlərə yaxın hədəflərə zərbələr endirir və eyni zamanda Kiyevin Qərb silahları ilə Rusiya ərazisinə hücum cəhdlərinin qarşısını alır.
Əli Səfərli,
Gundem24.az
