Rusiya Xarici İşlər Nazirliyinin xarici işlər nazirinin müavini Mixail Qaluzin ilə Azərbaycanın Moskvadakı səfiri Rəhman Mustafayev arasında keçirilən görüşdən sonra Rusiya bir daha Bakıda saxlanılan 11 vətəndaşının tezliklə azad edilməsi məsələsini qaldırıb.
Gündəm24.az xəbər verir ki, Nazirlikdən bildirilib ki, tərəflər 2024-cü il dekabrın 25-də Qazaxıstanın Aktau şəhəri yaxınlığında baş verən “Azerbaijan Airlines” təyyarəsinin qəzasının nəticələrinin aradan qaldırılması ilə bağlı bəzi aspektləri də müzakirə ediblər. Görüşdə həmçinin ötən il ərzində ikitərəfli əməkdaşlığın nəticələri ümumiləşdirilib və tərəflər gələcəkdə əlaqələri daha da inkişaf etdirmək üçün ortaq niyyətlərini təsdiqləyiblər. Nazirliyin məlumatına görə, iki ölkə 2026-cı ildə bütün Rusiya-Azərbaycan gündəliyi üzrə əlaqələri genişləndirmək niyyətindədir. Həm Qaluzin, həm də səfir Mustafayev vurğulayıblar ki, bütün bu məsələlər Rusiya-Azərbaycan münasibətlərində qarşılıqlı etimada və səmərəli əməkdaşlığa əsaslanır.
Sədaqət Həsənova
