Rusiya Müdafiə Nazirliyi bildirib ki, davam edən xüsusi hərbi əməliyyatın bir hissəsi olaraq, Ukrayna ordusunun istifadə etdiyi quru və dəniz nəqliyyat infrastrukturu obyektlərinə hücumlar həyata keçirilib.
Gündəm24.az TASS-a istinadən xəbər verir ki, Rusiya Müdafiə Nazirliyinin açıqlamasına görə, Ukrayna və Donbassda xüsusi hərbi əməliyyatın son 24 saatında baş verənlər belə olub.
Rusiya ordusu bütün cəbhələrdə irəliləyərək 1275 Ukrayna əsgərini zərərsizləşdirib. Eyni zamanda, 7 zirehli döyüş maşını, bir çoxlu raket qurğusu, 21 artilleriya qurğusu və 66 döyüş maşını məhv edilib.
Rusiya taktiki təyyarələri, PUA-ları, raket və artilleriya bölmələri Ukrayna ordusunun quru və dəniz nəqliyyat infrastrukturu, yanacaq-enerji obyektləri, uzaqmənzilli PUA-ların yığıldığı məntəqələr və 147 müvəqqəti yerləşdirmə məntəqələrinə zərbələr endirib.
Həmçinin, Rusiya hava hücumundan müdafiə qüvvələri Ukrayna ordusuna məxsus 8 idarə olunan raket və 526 təyyarə tipli dronu ələ keçirib.
Son 24 saatda cəbhədə taktiki üstünlük Rusiya qüvvələrinin əlində qalıb və Ukrayna ordusunun strateji infrastrukturu ciddi zərbə alıb.
Sədaqət Həsənova
