Yaponiyanın Baş naziri Minoru Kiharanın sözlərinə görə, Yaponiya-Rusiya münasibətləri hazırda çətin vəziyyətdədir
Gündəm24.az xəbər verir ki, Yaponiya hökuməti uzun müddətdir davam edən ikitərəfli problemlərin həlli üçün Rusiya ilə dialoqun bərpasını dəstəkləyir. Bu barədə Yaponiya Nazirlər Kabinetinin baş katibi Minoru Kihara Tokioda keçirilən mətbuat konfransında bildirib.
Kihara vurğulayıb ki, “Yaponiya-Rusiya münasibətləri hazırda çətin vəziyyətdədir. Əcdadların məzarlarının ziyarəti və balıqçılıq məsələləri daxil olmaqla bir sıra həll olunmamış problemlər mövcuddur. Biz hesab edirik ki, Rusiya ilə düzgün fikir mübadiləsi aparılmalıdır.”
O, həmçinin təsdiqləyib ki, Baş nazir Sanae Takaiçi ötən ilin sonlarında Moskvaya səfər edən millət vəkili Muneo Suzuki ilə görüşüb. Görüşdən sonra Suzuki bildirib ki, Takaiçi Rusiya ilə münasibətlərin qorunmasının vacibliyini vurğulayıb.
Qeyd olunur ki, 2022-ci ildən bəri Tokio Rusiyaya qarşı sanksiyalar tətbiq edib, bu da ikitərəfli iqtisadi əlaqələrin kəskin azalmasına səbəb olub. Moskva buna cavab olaraq sülh müqaviləsi üzrə məsləhətləşmələri dayandırıb, Kuril adalarında birgə iqtisadi fəaliyyətlə bağlı danışıqlardan çıxıb və keçmiş yapon sakinlərinin adalara səfərlərini dayandırıb.
Sədaqət Həsənova
