Sülh Şurasının Qəzza üzrə ali nümayəndəsi Nikolay Mladenov bildirib ki, ISF yaxın günlərdə və həftələrdə bir araya gəlməyə başlaya bilər.
Gündəm24.az xəbər verir ki, “The National” qəzetinin məlumatına əsasən, Sülh Şurasının Qəzza üzrə ali nümayəndəsi Nikolay Mladenov bildirib ki, Beynəlxalq Sabitləşdirmə Qüvvələri (ISF) yaxın günlərdə və ya həftələrdə Qəzza zolağına yerləşdirilə bilər. O qeyd edib ki, gələcəkdə Fələstin anklavının təhlükəsizliyini 20.000-ə qədər hərbçi və 12.000 polis təmin edəcək.
Mladenov həmçinin bildirib ki, artıq 2000 Qəzzalı yeni Fələstin qüvvələrinə qoşulmaq üçün qeydiyyatdan keçib, lakin müraciət edənlərin sayı xeyli çoxdur və yeni əsgərlər Misirdə təlim keçəcəklər.
Qeyd edək ki, 2025-ci ilin oktyabrında İsrail və HƏMAS, Misir, Qətər, ABŞ və Türkiyənin vasitəçiliyi ilə Qəzza sülh planının birinci mərhələsini həyata keçirmiş, atəşkəs qüvvəyə minib. İkinci mərhələ isə 4 yanvarda ABŞ prezidentinin xüsusi nümayəndəsi Steve Vitkov tərəfindən elan olunub və Beynəlxalq Sabitləşdirmə Qüvvələrinin yerləşdirilməsi ilə Fələstin radikallarının tərksilahını nəzərdə tutur.
Sədaqət Həsənova
