Valeri Gerasimov komandirlərin mövcud vəziyyətlə bağlı hesabatlarını dinlədi.
Gündəm24.az xəbər verir ki, Rusiya Müdafiə Nazirliyinin məlumatına görə, Rusiya Baş Qərargah rəisi, ordu generalı Valeri Gerasimov Dnepropetrovsk sektorunda fəaliyyət göstərən Döyüş Qrupu Mərkəzini yoxlayıb.
Nazirliyin açıqlamasında bildirilir ki, Gerasimov və Rusiya müdafiə nazirinin birinci müavini xüsusi hərbi əməliyyat zonasında bölmələrin və qoşunların döyüş tapşırıqlarının gedişatını yaxından izləyiblər.
Yüksək rütbəli general mövcud vəziyyətlə bağlı komandirlərin hesabatlarını dinləyib, ordunun uğurlarını yüksək qiymətləndirib və Donetsk Xalq Respublikasının Ukrayna qoşunlarından təmizlənməsində həyata keçirilən əməliyyatların effektivliyini vurğulayıb.
Açıqlamada həmçinin qeyd olunur ki, bu yoxlama hərbi əməliyyatların koordinasiyasını gücləndirmək və döyüş hazırlığını artırmaq məqsədini daşıyır.
Hərbi mənbələr bildirir ki, Gerasimovun səfəri bölmələr arasında əmr-komanda zəncirinin yoxlanması və mövcud strategiyanın qiymətləndirilməsi baxımından mühüm əhəmiyyət daşıyır.
Sədaqət Həsənova
