Rusiya xarici işlər nazirinin müavini Sergey Verşinin Rusiyanın Türkiyədəki yeni səfiri təyin edilib.
Gündəm24.az xəbər verir ki, Anadolu Agentliyinin (AA) məlumatına görə, Rusiya Prezidenti Vladimir Putin xarici işlər nazirinin müavini Sergey Verşinini vəzifəsindən azad edərək Türkiyəyə səfir təyin olunması barədə fərman imzalayıb. Verşinin səlahiyyət müddəti başa çatan və 2017–2025-ci illərdə Ankarada səfir kimi fəaliyyət göstərmiş Aleksey Yerhovu əvəz edəcək. Yerhov Rusiya–Türkiyə münasibətlərinin inkişafında mühüm rol oynamışdı.
Sergey Verşinin Yaxın Şərq üzrə təcrübəli diplomat kimi tanınır. O, 2005–2018-ci illərdə Rusiya Xarici İşlər Nazirliyinin Yaxın Şərq və Şimali Afrika Departamentinə rəhbərlik edib və Rusiyanı Yaxın Şərq Dördlüyündə təmsil edib.
2013-cü ildən etibarən Astana, Cenevrə və Vyanada Suriya üzrə danışıqlarda fəal iştirak edən Verşinin, 2018-ci ilin martından xarici işlər nazirinin müavini vəzifəsində çalışırdı və indi diplomatik fəaliyyətini Ankarada davam etdirəcək.
Sədaqət Həsənova
