Gündəm24.az xəbər verir ki, Rusiyanın Omsk vilayətində baş verən dəhşətli yanğın faciəsi bir ailəni məhv edib. Yuryevka kəndində fərdi yaşayış evində alovların bürüməsi nəticəsində dördü uşaq olmaqla altı nəfər həyatını itirib.
Rusiya İstintaq Komitəsinin regional idarəsinin məlumatına görə, yanğında 25 yaşlı qadın, onun 12 aylıq oğlu, 2 və 5 yaşlı qızları, həmçinin 35 yaşlı tanışı və həmin şəxsin 14 yaşlı oğlu ölüb.
Hadisədən sonra cinayət işi açılıb. Müstəntiqlər hazırda hadisə yerində araşdırma aparır, yanğının səbəblərini müəyyənləşdirmək üçün qonşuların ifadələrini toplayırlar.
Sədaqət Həsənova
