Sumqayıtın bir çox küçə və prospektlərində Sukanal İdarəsinin apardığı qazıntı işlərindən sonra yollar uzun müddətdir bərpa olunmur. Bunun nəticəsində həm sürücülər, həm də piyadalar hər gün təhlükə ilə üz-üzə qalırlar.
Gündəm24.az xəbər verir ki, xüsusilə gecə saatlarında işıqlandırmanın zəif olduğu küçələrdə bu çuxurlar ciddi qəza riski yaradır. Avtomobillərə ziyan dəyir, piyadaların həyatı təhlükə altına düşür.
Sual yaranır ki, Sumqayıt Sukanal İdarəsinin rəisi Xalid Quliyev bu vəziyyətin aradan qaldırılması üçün niyə tədbir görmür? Qazıntılar aparılır, amma çuxurlar insanların və avtomobillərin hərəkətinə sözün əsl mənasında əngəl yaradır. Maraqlıdır Xalid Quliyev və digər aidiyyatı qurum rəhbərləri bu yollardan istifadə etmirlər, yaratdıqları vəziyyəti görmürlər? Suallar açıq qalır. Yəqin ki, süjetimizdən sonra cavab verən tapılacaq. Qazıntı işləri başa çatdığı halda yolların vaxtında bərpasına kim nəzarət edir? Şəhər sakinlərinin təhlükəsizliyi niyə ikinci plana keçir?
Aidiyyəti qurumlar yaranmış problemə dərhal müdaxilə etməli, qazılmış yolları qısa müddətdə bərpa edərək şəhər sakinlərinin təhlükəsiz hərəkətini təmin etməlidirlər.
Su idarəsi ilə əlaqə saxlamağa çalışsaqda zənglərimizə cavab verən olmadı. Qarşı tərəfin mövqeyini işıqlandırmağa hazırıq.
