ABŞ liderinin sözlərinə görə, onun təzyiqi altında NATO ölkələri müdafiə xərclərini ÜDM-in 5%-ə qədər artırmağa razılaşıblar, baxmayaraq ki, “hamı bunun mümkün olmadığını deyirdi”.
Gündəm24.az xəbər verir ki, ABŞ prezidenti Donald Tramp bildirib ki, Rusiya və Çin ABŞ olmadan NATO-dan qorxmazdılar.
O, özünün Truth Social platformasında yazıb: “ABŞ olmadan Rusiya və Çinin NATO-dan heç bir qorxusu yoxdur və şübhə edirəm ki, əgər NATO-ya həqiqətən ehtiyacımız olsaydı, onlar bizim yanımızda olardı”.
ABŞ liderinin sözlərinə görə, onun təzyiqi altında NATO ölkələri müdafiə xərclərini ÜDM-in 5%-ə qədər artırmaq barədə razılığa gəliblər, baxmayaraq ki, “hamı bunun mümkün olmadığını deyirdi”.
“Hamı şanslıdır ki, mən birinci müddətimdə ordumuzu yenidən qurdum və bunu davam etdirirəm. NATO bizim üçün olmasa belə, biz həmişə onun yanında olacağıq. Çin və Rusiyanın qorxduğu və hörmət etdiyi yeganə millət DJT-nin yenidən qurduğu ABŞ-dır”, – deyə o, bildirib.
Sədaqət Həsənova
