ABŞ lideri əməliyyatda “Amerikanın bütün hərbi məqsədlərinə” tezliklə çatılacağını təkrarladı.
Gündəm24.az Reuters-ə istinadən xəbər verir ki, ABŞ prezidenti Donald Tramp bildirib ki, ABŞ yaxın iki-üç həftə ərzində İrana qarşı zərbələri gücləndirəcək. Televiziya ilə xalqa müraciətində Tramp deyib: “Bu gecə deyə bilərəm ki, Amerikanın bütün hərbi məqsədlərini çox qısa müddətdə başa çatdırmaq yolundayıq. Növbəti iki-üç həftə ərzində onlara son dərəcə sərt zərbələr endirəcəyik. Onları aid olduqları Daş dövrünə qaytaracağıq”.
ABŞ və İsrail 28 fevralda İrana qarşı hərbi əməliyyata başladılar. Tehran da daxil olmaqla, İranın böyük şəhərləri zərbələrə məruz qaldı. Ağ Ev hücumu İrandan gələn raket və nüvə təhdidləri iddiaları ilə əsaslandırdı. İslam İnqilabı Keşikçiləri Korpusu İsraildəki obyektləri hədəf alaraq cavab əməliyyatı elan etdi. Bəhreyn, İordaniya, Küveyt, Qətər, Səudiyyə Ərəbistanı və BƏƏ-dəki ABŞ hərbi bazalarına da zərbələr endirildi. Ali Rəhbər Ayətullah Əli Xamenei və bəzi digər İran liderləri ABŞ-İsrail birgə hücumunda öldürüldü.
Sədaqət Həsənova
