10 ilə qədər həbs cəzası ilə üzləşən Yuliya Timoşenko ona qarşı irəli sürülən bütün ittihamları rədd etdiyini bildirib.
Gündəm24.az xəbər verir ki, Ukraynanın iki korrupsiyaya qarşı mübarizə agentliyi – NABU və SAPO – Batkivşina partiyasının lideri Yuliya Timoşenkoya qarşı qanunvericilərə rüşvət vermək ittihamı irəli sürüb. “Ukrainska Pravda” qəzetinin məlumatına görə, Timoşenkonun Kiyevdəki partiya ofisinə Ali Radanın rüşvət işi çərçivəsində basqınlar edilib.
Timoşenko 10 ilə qədər həbs cəzası ilə üzləşə bilər, lakin o, bütün ittihamları rədd edib. Keçmiş baş nazir daha əvvəl də, Viktor Yanukoviçin dövründə, təbii qaz müqavilələrini müzakirə edərkən səlahiyyətlərindən sui-istifadə səbəbi ilə 7 il həbs cəzasına məhkum olunmuş, lakin 2014-cü ildə azadlığa buraxılmışdı.
Yuliya Timoşenko 2007-2010-cu illərdə Ukraynanın baş naziri olub və 2010, 2014 və 2019-cu illərdə prezidentliyə namizədliyini irəli sürüb. 2019-cu prezident seçkisində səslərin 13,4%-ni toplayaraq üçüncü yeri tutub və ölkənin ən böyük müxalifət partiyalarından birinin lideridir.
Sədaqət Həsənova
