Gündəm24.az xəbər verir ki, bu gün Sumqayıt şəhərinin ictimai həyatında və idarəçilik tarixində silinməz iz buraxmış tanınmış dövlət xadimi, səriştəli rəhbər Zakir Fərəcovun doğum günüdür.
Sumqayıt şəhərinin son onilliklərdə keçdiyi inkişaf yolu peşəkar idarəçilik, ardıcıl islahatlar və strateji yanaşma ilə səciyyələnir. Bu prosesdə Sizin fəaliyyətiniz xüsusi yer tutur. Prezident İlham Əliyevin siyasi kursunun ardıcıl dəstəkləyicisi olaraq, Sumqayıt şəhər İcra Hakimiyyətinin başçısı kimi gördüyünüz işlər şəhərin sosial-iqtisadi və ictimai həyatında keyfiyyətcə yeni mərhələnin formalaşmasına mühüm töhfə vermişdir.
Sizin rəhbərliyiniz dövründə şəhərin infrastrukturunun yenilənməsi, yol-nəqliyyat şəbəkəsinin genişləndirilməsi, yeni küçə və prospektlərin salınması və məhəllədaxili yolların abadlaşdırılması, Prezident İlham Əliyevin inkişaf strategiyasına uyğun olaraq sakinlərin gündəlik həyat keyfiyyətini yüksəltmişdir. Eyni zamanda su, kanalizasiya, istilik və elektrik təsərrüfatının müasirləşdirilməsi istiqamətində aparılan sistemli işlər də Prezidentimizin rəhbərliyi altında həyata keçirilmiş siyasətin tərkib hissəsidir.
Şəhərin simasının dəyişdirilməsi də fəaliyyətinizin əsas xüsusiyyətlərindəndir. Park və istirahət zonalarının salınması, mövcud yaşıllıq sahələrinin bərpası və genişləndirilməsi, sahilboyu ərazilərin abadlaşdırılması Sumqayıtı ekoloji baxımdan daha sağlam və yaşıl şəhərə çevirmişdir. Sosial sahəyə göstərdiyiniz diqqət də xüsusi vurğulanmalıdır. Təhsil və səhiyyə müəssisələrinin əsaslı təmiri, yeni məktəb və uşaq bağçalarının istifadəyə verilməsi, tibbi xidmətlərin keyfiyyətinin yüksəldilməsi, həmçinin şəhid ailələri və həssas sosial qruplar üçün həyata keçirilən layihələr aparılan sosial siyasətin Sumqayıtda uğurla tətbiqinin nümunəsidir.
Sənaye şəhəri kimi Sumqayıtın iqtisadi potensialının qorunması və inkişaf etdirilməsi də fəaliyyətinizin mühüm istiqamətlərindən biridir. Sənaye parklarının fəaliyyəti, yeni istehsal sahələrinin yaradılması və investisiya mühitinin yaxşılaşdırılması ilə şəhərdə məşğulluq səviyyəsi artmış, iqtisadi aktivlik yüksəlmişdir.
Bütövlükdə, Sizin Sumqayıt şəhərindəki fəaliyyətiniz məqsədyönlü idarəçilik, uzunmüddətli inkişaf strategiyası və real nəticələrlə səciyyələnir. Prezident İlham Əliyevin siyasi kursunun ardıcıl dəstəkləyicisi olaraq, Sizin rəhbərliyiniz dövründə Sumqayıt təkcə sənaye potensialı ilə deyil, abad şəhər mühiti, sosial infrastrukturu və dinamik inkişafı ilə ölkənin aparıcı şəhərlərindən birinə çevrilmişdir.
Hörmətli Zakir Fərəcov,
Sizi bu əlamətdar gün münasibətilə səmimi-qəlbdən təbrik edir, möhkəm cansağlığı, uzun ömür, məsuliyyətli dövlət fəaliyyətinizdə yeni uğurlar, Sumqayıt şəhərinin davamlı inkişafı naminə gördüyünüz işlərdə daha böyük nailiyyətlər arzulayırıq. Qoy zəngin idarəçilik təcrübəniz və fədakar əməyiniz Prezident İlham Əliyevin rəhbərlik etdiyi siyasi kursu dəstəkləyərək, şəhərimizin tərəqqisinə və ölkəmizin inkişafına töhfə verməkdə davam etsin.
Qərbi Azərbaycan İcması Sumqayıt Nümayəndəliyi
İlkin Şirinov
Gündəm24.az
