İsrailin müdafiə naziri İsrael Kats Livanda “Hizbullah”a qarşı hərbi əməliyyatların genişləndirilə biləcəyini bəyan edib.
Gundem24.az xəbər verir ki, nazir “Hizbullah”ın regionda gərginliyi artırdığını bildirərək Livan hakimiyyətini məsuliyyətini yerinə yetirməməkdə ittiham edib:
“‘Hizbullah’ odla oynayır, Livan prezidenti isə öz vəzifə borclarını yerinə yetirməkdə ləngiyir. Livan hökumətinin ‘Hizbullah’ı silahsızlaşdırmaq və onu ölkənin cənub hissəsindən çıxarmaq öhdəliyi yerinə yetirilməlidir. Şimal sakinlərinə təhlükə yaratmağa imkan verməyəcəyik. Əməliyyat tədbirləri davam etdiriləcək və daha da gücləndiriləcək,” — deyə İsrael Kats “X” sosial şəbəkəsində yazıb.
Əli Səfərli,
Gundem24.az
