The Washington Post nəşrinin məlumatına görə, ABŞ-da nüvə sınaqlarının bərpası planı həm vaxt, həm də maliyyə baxımından çox çətin proses ola bilər.
ABŞ sonuncu dəfə yeraltı nüvə sınağını 1992-ci ilin sentyabrında Nevada poliqonunda keçirib. Həmin ərazi o vaxtdan bəri istifadəsiz qaldığı üçün indi ciddi təmirə ehtiyac duyur. Mütəxəssislər bildirirlər ki, yeni şaquli şaxta qazılması lazım ola bilər, çünki mövcud avadanlıq “pas içində olan çuxur” vəziyyətindədir.
Gundem24.az xəbər verir ki, sınaqların bərpası qarşısında duran digər maneə ixtisaslı kadr çatışmazlığıdır — bir çox mütəxəssis daha əvvəl ixtisar proqramları çərçivəsində işdən çıxarılıb. Ekspertlər hesab edirlər ki, fiziki sınaqlar üzrə təcrübə itirilib, çünki müasir nüvə modelləri əsasən kompüter simulyasiyalarına əsaslanır.
Bəzi keçmiş rəsmilərin sözlərinə görə, sınaqları bərpa etmək illərlə vaxt apara bilər. Digərləri isə hesab edirlər ki, əgər məqsəd sadəcə partlayışın həyata keçirilməsidirsə və məlumat analizi aparılmayacaqsa, bu, 6 ay–1 il ərzində mümkün ola bilər. Lakin ekspertlər bildirirlər ki, hətta ən sadə sınaq belə təxminən 100 milyon dollara başa gələ bilər.
Əli Səfərli,
Gundem24.az
