Elgiz Əkbər yenidən televiziya ekranlarına qayıdır.
Bakupost.az xəbər verir ki, bu barədə yayımı dayandırılan “Elgizlə İzlə” verilişində ekspert qismində iştirak edən jurnalist Ağa Dadaşzadə məlumat yayıb.
Onun sözlərinə görə, Elgiz Əkbər artıq başqa telekanalla müqavilə bağlamaq üzrədir və veriliş yaxın zamanda həftənin 5 günü yayımlanacaq:
“Elgiz Əkbər yenidən efirə qayıdır. Biz onu maraqlı layihələrlə televiziyada görəcəyik. Belə ki, başqa kanallardan biri artıq Elgiz Əkbərlə müqavilə imzalama ərəfəsindədir. Verilişin konsepti və digər məqamlar müzakirə olunur.Yeni veriliş yaxın zamanda həftənin 5 günü canlı yayımlanacaq. Yəni efir saatı 2 saatdan çox çəkəcək”.
