“Laçınım mənim” mahnısının bilinməyən hekayəsi
Azərbaycanın sevilən mahnılarından biri olan “Laçınım mənim”in yaranma hekayəsi çoxları üçün məlum deyil. Bu məşhur ifa əslində gözlənilməz bir səbəbdən ərsəyə gəlib.
Gündəm24.az xəbər verir ki, belə ki, günlərin birində bir polis əməkdaşı şairanə ruhda yazdığı şeiri sənətkar Məhəbbət Kazımova təqdim edir və ondan bu sözlərə mahnı bəstələməsini xahiş edir. Sənətkar şeiri götürərək studiyaya yollanır və onu zümzümə edərək musiqiləşdirir.
Mahnını dinləyən hər kəs dərin təsir altına düşür. Hətta görkəmli xanəndə Arif Babayev bu ifanı eşidərkən göz yaşlarını saxlaya bilmir.
Buna baxmayaraq, Məhəbbət Kazımov mahnını ifa etməkdə tərəddüd edir. O, musiqidə müəyyən qədər oynaq ahəng olduğunu düşünərək tərəddüd yaşasa da, israrlar nəticəsində mahnını ilk dəfə hərbçilər qarşısında, konsert proqramında səsləndirir.
Mahnının sözlərində yer alan “Özüm gedə bilməsəm, səsim o dağlara…” misrası isə illər sonra xüsusi mənaya çevrilir. Sənətkarın özü doğma torpaqlara qayıda bilməsə də, onun səsi, ifaları və sənəti o dağlara çatır./Oxu24.com/
