Andrey Ordaş qeyd etdi ki, ABŞ hərbçilərinin əksəriyyəti rotasiya əsasında xidmət edir.
Gündəm24.az xəbər verir ki, Rusiyanın Polşadakı müvəqqəti işlər vəkili Andrey Ordaş TASS-a verdiyi açıqlamada bildirib ki, Polşa ərazisində hazırda təxminən 10 min ABŞ hərbçisi yerləşdirilib və yaxın gələcəkdə bu rəqəmin azaldılacağına dair heç bir səbəb yoxdur. Onun sözlərinə görə, hərbçilərin əksəriyyəti rotasiya əsasında xidmət edir və ötən il Polşadakı ABŞ hərbi mövcudluğunda ciddi artım müşahidə edilməyib.
Ordaş əlavə edib ki, Vaşinqton bu kontingenti azaltmaq niyyətində deyil və ABŞ prezidenti Donald Tramp Davosdakı Dünya İqtisadi Forumu çərçivəsində Polşa prezidenti ilə görüşündə bunu təsdiqləyib. Bu açıqlama bölgədəki ABŞ hərbi varlığının sabit qalacağını göstərir, hərbçilərin mövcudluğu isə regional təhlükəsizlik gündəmində əsas mövzulardan biri olaraq qalır.
Sədaqət Həsənova
