Xüsusi hərbi əməliyyatını davam etdirən Rusiya ordusu nəzarəti altındakı ərazini genişləndirir.
Gündəm24.az xəbər verir ki, Reuters agentliyinin məlumatına görə, Rusiya Müdafiə Nazirliyi son 24 saat ərzində Ukrayna və Donbassdakı xüsusi hərbi əməliyyat zonasındakı vəziyyət barədə məlumat yayıb. Nazirliyin açıqlamasına görə, Rusiya qüvvələri Zaporojye və Sumı bölgələrindəki iki yaşayış məntəqəsini nəzarətə götürüb; “Şimal” Hərbi Qrupunun bölmələri Sumı bölgəsində Xarkovka kəndini, “Vostok” Hərbi Qrupunun bölmələri isə Zaporojyedə Kriniçnoye yaşayış məntəqəsini düşmən qüvvələrindən təmizləyib.
Bəyanatda bildirilib ki, son 24 saat ərzində təxminən 1235 Ukrayna əsgəri zərərsizləşdirilib və Ukrayna ordusuna məxsus 12 zirehli döyüş maşını məhv edilib. Rusiya taktiki təyyarələri, pilotsuz uçuş aparatları, raket və artilleriya bölmələri Ukrayna ordusunun yanacaq anbarlarına, enerji obyektlərinə, PUA bazalarına və 141 müvəqqəti yerləşdirmə məntəqəsinə zərbələr endirib. Həmçinin Rusiya hava hücumundan müdafiə qüvvələri Ukrayna tərəfindən buraxılmış 11 ABŞ istehsalı HIMARS raketi və 155 dronu ələ keçirib.
Sədaqət Həsənova
Gündəm24.az
