Yun Suk-yeol cəmi səkkiz məhkəmə prosesi ilə üzləşir, bunlardan dördü hərbi vəziyyətin tətbiqi ilə bağlıdır.
Gündəm24.az xəbər verir ki, Birinci instansiya məhkəməsi Cənubi Koreyanın keçmiş prezidenti Yun Suk-yeolu həbsə mane olmaqda təqsirli bilərək onu beş il müddətinə azadlıqdan məhrum edib.
3 yanvar 2025-ci ildə prezidentin təhlükəsizlik xidməti hüquq-mühafizə orqanlarının Yun Suk-yeolu Seuldakı iqamətgahında həbs etməsinə mane olub və saxlanılma yalnız 15 yanvar 2025-ci ildə ikinci cəhddə mümkün olub. Həmin vaxt Yun Suk-yeol parlament tərəfindən impiçment edilsə də, səlahiyyətləri müvəqqəti dayandırılmış hazırkı prezident statusunu daşıyırdı, prokurorlar isə onun üçün 10 il həbs cəzası tələb etmişdi.
İşə Seul Mərkəzi Rayon Məhkəməsində baxılıb və bu qərar Yun Suk-yeola qarşı birinci instansiya səviyyəsində çıxarılan ilk hökm olub. Məhkəmə onun 3 dekabr 2024-cü ildə konstitusiyanı pozaraq hərbi vəziyyət elan etdiyini, bir sıra vəzifəli şəxslərin hüquqlarını pozduğunu və dövlət qurumlarının fəaliyyətinə mane olduğunu müəyyən edib; hazırda sabiq prezident ümumilikdə səkkiz məhkəmə prosesi ilə üzləşir.
Sədaqət Həsənova
