Müğənni Günel Zeynalovanın türkiyəli ifaçı Hadisənin “Ara beni” mahnısını oxuyaraq paylaşdığı video Türkiyə mediasında geniş müzakirələrə səbəb olub.
Gündəm24.az xəbər verir ki, videoda Günel avtomobildə gedərkən sözügedən mahnını səsləndirib. Sənətçi paylaşımına “Axtar, axtarma, gözəl mahnıdır. Dəlilik də gözəldir, sevirik. Hətta ağıllı dəlilərdənik” sözlərini yazıb.
Türkiyə mediası həmin görüntüləri “Rza Zərrabı ondan alan Ebru Gündeşdən Günel illər sonra intiqamını aldı” başlığı ilə yayımlayıb. Xəbərdə Günelin bu paylaşımının Ebru Gündeşlə aralarında soyuqluq olduğu deyilən Hadisəyə dəstək kimi qiymətləndirildiyi vurğulanıb.
Paylaşımın yayılmasının ardından sosial şəbəkə istifadəçilərinin bir qismi videonu Günelin illər əvvəl Ebru Gündeşlə yaşadığı qalmaqal, eləcə də son dövrlərdə mediada müzakirə olunan Ebru Gündeş-Hadisə münasibətləri ilə əlaqələndirib.
Qeyd edək ki, Cənubi azərbaycanlı iş adamı Rza Zərrab Günellə nişanlı olduğu dönəmdə ona Ebru Gündeşlə xəyanət etmişdi. Daha sonra Rza və Ebru ailə qurmuş, onların Alara adlı qız övladı dünyaya gəlmişdi. İllər sonra isə Rza Zərrabın Ebru Gündeşə də Hadisə ilə xəyanət etdiyi iddiaları gündəmə gəlmiş, bundan sonra cütlük boşanmışdı. Hazırda Rza Zərrab ABŞ-da yaşayır və yeni ailə həyatı qurub. \\axsam.az
