Hindistanın Carxand ştatında təcili yardım təyyarəsinin qəzaya uğraması nəticəsində yeddi nəfər həlak olub.
Gündəm24.az xəbər verir ki, Reuters agentliyinin məlumatına görə, Hindistan Mülki Aviasiya Baş İdarəsi (DGCA) Redbird Airways şirkətinə məxsus Beechcraft C90 təyyarəsinin Carxand ştatının paytaxtı Rançidən havaya qalxdığını açıqlayıb. Təyyarə ilə əlaqə qalxışdan təxminən 20 dəqiqə sonra kəsilib və daha sonra Çatra bölgəsində qəzaya uğradığı müəyyən edilib.
Gündəm24.az hadisə ilə bağlı fotonu təqdim edir:
Çatra Regional Komissarı Keerthishree G bildirib ki, qəza nəticəsində təyyarədə olan yeddi nəfərin hamısı – iki pilot, 41 yaşlı ağır yanıq xəsarətləri alan xəstə, onu müşayiət edən iki ailə üzvü, bir həkim və bir tibb işçisi – həyatını itirib. Hadisə ilə bağlı araşdırma başladılıb.
Sədaqət Həsənova
