Son vaxtlar sosial şəbəkələrdə məşhur “fast-food”restoranlarında müştərilərə təqdim olunan qidaların, xüsusilə də ət məhsullarının çiy olması ilə bağlı iddialar artır.
Məsələ ilə bağlı qida eksperti İlkin Şirinov TodayPress TV-yə açıqlama verib.
Ekspert bildirir ki, KFC və digər “fast-food” şəbəkələrində bu cür, yəni yarı çiy məhsulların müştərilərə təqdim olunması ən çox narazılıq edilən və gündəmdə olan məsələlərdən biridir.
Onun sözlərinə görə, burada səbəblər müxtəlifdir.
Birinci növbədə səbəblərdən biri insan axınıdır. Müştəri çoxluğundan insanları tez-tələsik yola verməyə çalışırlar ki, müştərilərdə narazılıq yaratmasınlar. Bu da hazırlama prosesində tez-tələsikliyə səbəb olur. Və nəticədə müştəri narazılığı ilə qarşılaşırlar.
İlkin Şirinov qeyd edir ki, ikinci məsələ isə işçilərin səhlənkarlığı məsələsidir. Sanki müştəriləri yola verməyə, “başından eləməyə” çalışırlar ki, müştərilərin oturduqları masanı çox məşğul etməsinlər. Tez yeməklərini yeyib, durub getsinlər və növbəti müştəri həmin masada əyləşsin.
Qida eksperti söyləyir ki, bu kimi hallar belə məsulların ortalığa gəlib çıxması, ictimaiyyətə təqdim olunması və müştərilərdə haqlı narazılıqlar yaratması kimi səbəblər ortaya çıxarır.
Həmçinin onun fikrinə görə, digər bir məsələ də nəzarətin zəifliyi ola bilər. Bəzən bişirilmə temperaturuna, məhsulun tam bişirilməsinə nəzarət olunmur.
HACCP (HAS) proqramının tətbiq olunmaması müəssisələrdə bu cür problemlərə səbəb olur.
Ən əsası da işçi heyətinin mütəmmadi olaraq təlimlərə cəlb olunması, işçi heyətinə müştəri məmnunluğunun aşılanması olmadıqda bu kimi hallat gəlir nəticədə müştəri narazılığına səbəb olur.
Ekspert bu gün təqdim olunan həmin məhsullar heç də aşağı qiymətlə təqdim olunmadığını qeyd edib.
“Əksinə, çox yuxarı qiymətlə təqdim olunur. Onun maya dəyərini hesablasaq, heç də maya dəyərindən 5-10% artıq qiymətlə müştəriyə təklif olunmur.
Daha artıq bir qiymətdə təqdim olunur. Müştərinin də verdiyi pulun qarşılığında qarşısına qoyulan məhsulun bu cür formada olması haqlı olaraq narazılıq yaradır”.
“Müştərilərin qida təhlükəsizliyinə nəzarət etmək kafe və restoranların birbaşa vəzifə borcudur.
Çünki toyuq ətinin çiy formada təqdim olunması insanlarda salmonellanın və digər mikroorqanizmlərin, bakteriyaların çoxalması, qarın ağrısı, ishal, mədə və bağırsaq pozğunluğu, zəhərlənmə və bu kimi hallara səbəb olur.
Ona görə də müştərilər yeməyi yeməzdən əvvəl onun keyfiyyətinə və görünüşünə diqqət yetirməlidirlər”, – deyə, o, əlavə edib.
