Hazırkı dövrədək 79 mindən çox kredit müqaviləsi rəsmiləşdirilib və ümumilikdə təhsil kreditlərinin maliyyələşdirilməsinə 74 milyon manatdan artıq vəsait ayrılıb”. Nazir müavini qeyd edib ki, təhsil tələbə kreditindən yararlananların 63 faizi qadınlardır.
Mövzu ilə bağlı təhsil eksperti Elçin Əfəndi Ajans.az-a açıqlama verib.
O bildirib ki, 74 milyon manat artıq vəsait təhsil tələbə krediti üçün ayrılıb. Maliyyə çatışmazlığı üzündən təhsilini yarımçıq qoyan şəxslər indi Təhsil tələbə krediti fondu vasitəsilə bu imkandan faydalana bilirlər. Eyni zamanda, birbaşa cənab Prezidentin təşəbbüsü ilə tələbələr üçün təhsilin təmin olunması istiqamətində böyük bir addım atılıb və bu fonddan faydalanan vətəndaşların içərisində xanımlar çoxluq təşkil edir.
Ekspert qeyd edib ki, bəzi istiqamətlərdə xanımların təhsil alması hələ də müəyyən çətinliklər yaradır. Bu, yerli yanaşma, mental yanaşma və digər amillərlə bağlıdır. Amma son dövrlərdə xanımların təhsil almasına müəyyən dəstəklər var ki, bu da sevindirici haldır.
Bəzi ailələr var ki, xüsusilə gəlirləri minimum yaşayış səviyyəsində və ya ondan aşağıdır. Onlar illik təhsil haqqını ödəməkdə çətinlik çəkirdilərsə, artıq asanlıqla təhsil tələbə krediti fondundan istifadə edə bilirlər. Bu da bütün tələbələr üçün əlçatanlıq təmin edir.
“Kreditlərin geri ödənişində hər hansı bir risk görmürəm, çünki faiz olduqca aşağıdır və universiteti bitirdikdən 2 il sonra ödənişə başlanılır. Bu da ciddi problem yaratmır.”-deyə, Elçin Əfəndi söyləyib.
Bütün tələbələr üçün əlçatan olan kredit iki istiqamətdə verilir: birincisi – standart kredit, ikincisi – sosial kredit. Sosial kreditdən əsasən sosial əhəmiyyət qrupuna daxil olan vətəndaşlar istifadə edə bilirlər, standart krediti isə daha yüksək akademik göstəriciləri olan şəxslər alırlar. Bu isə bütün tələbələri əhatə etmir, yalnız hər iki kriteriyaya cavab verən şəxslər faydalanır.
Sonda əlavə olunub ki, zamanla digər istiqamətlərdə təhsil almaq istəyən və ya alan şəxslər üçün də kredit imkanlarının əlçatanlığı təmin olunacaq və şəxslər maliyyə çətinlikləri səbəbindən təhsildən yayınmayacaqlar.
