Rusiya prezidenti regionda sabitliyin və təhlükəsizliyin təmin edilməsi üçün siyasi və diplomatik səylərin gücləndirilməsinə tərəfdar olan fundamental yanaşmaları açıqladı.
Gündəm24.az xəbər verir ki, Kremlin mətbuat xidmətinin məlumatına görə, Rusiya Prezidenti Vladimir Putin İsrailin Baş naziri Binyamin Netanyahu ilə telefon danışığı zamanı İran ətrafındakı vəziyyəti müzakirə edib.
Bəyanatda bildirilir ki, tərəflər Yaxın Şərqdəki vəziyyət və İran ətrafındakı hadisələri qiymətləndiriblər, Putin isə bölgədə sabitlik və təhlükəsizliyin təmin olunması üçün siyasi və diplomatik səylərin gücləndirilməsinin vacibliyini vurğulayıb.
O, Rusiyanın bütün maraqlı dövlətlərlə vasitəçilik etməyə və konstruktiv dialoqu təşviq etməyə hazır olduğunu təsdiqləyib, həmçinin müxtəlif səviyyələrdə məsləhətləşmələrin davam etdirilməsi barədə razılıq əldə olunub.
Sədaqət Həsənova
