Rusiya Xarici İşlər Nazirliyi Kuba sahillərində baş verən qayıq hadisəsini ABŞ-ın aqressiv təxribatı kimi qiymətləndirib.
Gündəm24.az xəbər verir ki, Mariya Zaxarova Sputnik-ə verdiyi açıqlamada bildirib ki, Kuba sularında baş verən hadisə ABŞ-ın aqressiv təxribatıdır və vəziyyəti gərginləşdirmək məqsədi daşıyır. Gecə saatlarında ABŞ-da yaşayan bir qrup kubalı silahlı şəxs Kuba təhlükəsizlik işçilərinə atəş açıb. Kuba Daxili İşlər Nazirliyinin sərhədçiləri cavab atəşi açaraq dörd hücumçunu öldürüb, altısını isə yaralayıb; bir kubalı komandirin də yaralandığı bildirilir.
Saxlanılan şəxslərin terror aktı törətmək niyyətində olduqları etiraf edilib, qayıqda tüfənglər, partlayıcı qurğular və Molotov kokteylləri tapılıb. ABŞ dövlət katibi Marko Rubio və vitse-prezident JD Vance isə hadisədə ABŞ rəsmilərinin heç bir rolu olmadığını və situasiyanın qorxulduğu qədər ciddi olmadığını açıqlayıblar. “The New York Times” xəbər verir ki, qayıq ABŞ Hərbi Dəniz Qüvvələrinə və ya Sahil Mühafizəsinə aid deyil, kommersiya məqsədləri üçün qeydiyyatdan keçib.
Kuba Daxili İşlər Nazirliyi ölkənin sularını qorumağa hazır olduğunu vurğulayıb və əlavə tədbirlərin görüldüyünü açıqlayıb.
Sədaqət Həsənova
