Moskvada yerləşən tibb mərkəzlərindən birində aparılan istintaq tədbirləri zamanı soyuducuda saxlanılan beş insan başı aşkarlanıb.
Məlumata görə, araşdırma Sankt-Peterburqda vəzifə səlahiyyətlərindən sui-istifadə maddəsi ilə başlanmış cinayət işi çərçivəsində aparılıb. Hüquq-mühafizə orqanlarının əməkdaşları tibb mərkəzinin ərazisinə baxış zamanı plastik torbalara yerləşdirilmiş insan cəsədi qalıqları aşkar ediblər.
Tapılan qalıqların mənşəyinin və hadisənin bütün detallarının müəyyənləşdirilməsi məqsədilə materiallar məhkəmə-tibbi ekspertizaya göndərilib.
Hazırda faktla bağlı istintaq davam edir.
