Tanınmış xanəndə Mirələm Mirələmovun ailəsinə ağır itki üz verib. Sənətçinin atası Fərman Mirələmov kişi 68 yaşında vəfat edib.
Gündəm24.az xəbər verir ki, bu barədə Azərbaycan Yazıçılar Birliyinin üzvü, nəğməkar-şair, Cavanşir İdman Klubunun Prezidenti, polkovnik Cəlal Qurbanov özünün sosial şəbəkə hesabında bildirib.
Cəlal Qurbanov dəyərli sənətkarın atasının vəfatından dərindən sarsıldığını bildirərək qeyd edib ki, bu gediş bütün doğmaları üçün çox ağır bir itkidir: “Əziz dostum, qardaşım Mirələmin dəyərli atası Fərman kişinin 68 yaşında haqq dünyasına qovuşması bizi dərindən sarsıtdı. Mirələm atasına çox bağlı, onu böyük sevgi və ehtiramla sevən bir övlad idi. Fərman əminin gedişi ailəsi, doğmaları və onu tanıyan hər kəs üçün ağır itki oldu. Bu ağır itkinin acısını bölüşərək, Mirələm qardaşıma, bütün ailə üzvlərinə və doğmalarına ailəmizin adından dərin hüznlə başsağlığı verir, Uca Allahdan Fərman əmiyə rəhmət, yaxınlarına səbir və dözüm diləyirik. Allah rəhmət eləsin. Məkanı cənnət, ruhu şad olsun. Amin”.nocomment.az
