NATO-nun baş katibi bildirib ki, “Bizə güclü NATO lazımdır, amma avropalılar daha böyük liderlik rolunu öz üzərinə götürdükdə NATO daha da güclənir”. O, ABŞ müdafiə naziri Heqsetin müdafiə nazirlərinin görüşündə iştirak etməməsinin “problem olmadığını” və “Bizə daha çox Avropa liderliyinə malik NATO lazımdır” deyə əlavə edib.
Gündəm24.az xəbər verir ki, Reuters agentliyinin məlumatına görə, NATO Müdafiə Nazirləri Görüşündən sonra çıxış edən Mark Rutte alyans daxilində “düşüncə tərzində dəyişiklik” baş verdiyini bildirib. O vurğulayıb ki, NATO güclü qalmalıdır, lakin avropalılar daha çox məsuliyyət və liderlik götürdükcə alyans daha da möhkəmlənəcək və bu, ABŞ-a digər regionlara diqqət ayırmağa imkan verəcək.
Rutte həmçinin NATO-Ukrayna Şurasının iclasında Kiyevə yeni dəstək öhdəliklərinin verildiyini açıqlayıb və müttəfiqlərin həm Ukraynanı dəstəkləməkdə, həm də alyans ərazisinin hər qarışını müdafiə etməkdə bir olduqlarını vurğulayıb.
Sədaqət Həsənova
