Türkiyənin xarici işlər naziri Hakan Fidan Misir, Səudiyyə Ərəbistanı və İordaniyalı həmkarları ilə telefonla danışıb.
Gündəm24.az xəbər verir ki, Xarici işlər naziri Hakan Fidan Qəzza və bölgədəki son hadisələrlə bağlı diplomatik təmaslar çərçivəsində Misirin xarici işlər naziri Bədr Əbdüllati, Səudiyyə Ərəbistanının xarici işlər naziri Feysəl bin Fərhan və İordaniyanın xarici işlər naziri Ayman Səfadi ilə telefonla danışıb.
Xarici İşlər Nazirliyindəki mənbələrə istinadən bildirilib ki, telefon danışıqları zamanı Qəzza ətrafında yaranmış vəziyyət, bölgədə artan gərginlik və son hadisələrin regional təhlükəsizliyə təsiri müzakirə olunub. Tərəflər həmçinin mövcud böhranın diplomatik yollarla həlli və regional koordinasiyanın əhəmiyyəti barədə fikir mübadiləsi aparıblar.
Sədaqət Həsənova
