Ermənistan Türkiyədən yük maşınlarının Marqara və Kornidzor vasitəsilə Azərbaycana və geri tranzitini təmin etməyə hazırdır.
Gündəm24.az xəbər verir ki, bunu Ermənistanın baş naziri Nikol Paşinyan noyabrın 14-də İrəvanda keçirilən “Dünyanın kəsişməsi: inkişaf edən regional kommunikasiyalar” konfransında çıxışında deyib.
“Sovet dövründə bizim Tavuş və Zəngəzur vasitəsilə Azərbaycanla birbaşa dəmir yolu əlaqəmiz var idi. Mən Ermənistanın Türkiyədən yük maşınlarının Marqara və Kornidzordan keçərək Azərbaycana və geriyə tranzitini təmin etmək istəyinə də diqqətinizi çəkmək istərdim. Niyə biz bunu indi təklif edirik? Çünki bu infrastruktur bu gün hazırdır. Biz də siyasi cəhətdən hazırıq, ancaq bura sadəcə investisiya qoymaq lazımdır”, – Paşinyan bildirib.
Zəngəzur dəhlizinə toxunan Paşinyan diqqətə çatdırıb ki, “Tramp marşrutu”nun Amerikaya 49 və yaxud 99 ilə icarəyə verilməsi məsələsi nəzərdən keçirilir: “İcarənin müddəti ABŞ-ın buraya yatıracağı sərmayənin həcmindən və layihənin gəlirindən asılı olacaq”.
