Çin nümayəndə heyəti Cenevrədə keçiriləcək BMT-nin Silahsızlanma üzrə Konfransı zamanı digər ölkələrin nümayəndələri ilə fəal şəkildə əlaqə qurmağı planlaşdırır.
Gündəm24.az xəbər verir ki, Çin Xarici İşlər Nazirliyinin açıqlamasına əsasən, sözçü Mao Ninq bildirib ki, dünyanın ən böyük nüvə arsenalına malik ABŞ nüvə tərksilahına görə əsas məsuliyyəti daşıyır və Vaşinqton strateji sabitlik üzrə Moskva ilə dialoqunu yeniləməlidir. Mao Ninq vurğulayıb ki, Amerika tərəfi yeni strateji silahların azaldılması üzrə danışıqlarda iştirak etməklə beynəlxalq ictimaiyyətin gözləntilərinə cavab verməlidir.
Bundan əlavə, Çin nümayəndə heyəti Cenevrədə keçiriləcək BMT-nin Silahsızlanma üzrə Konfransı zamanı digər ölkələrlə fəal əlaqə quracaq, konfransın gündəliyi və Nüvə Silahlarının Yayılmaması Müqaviləsinin İcmal Konfransı hazırlıqlarını müzakirə edərək dialoq və əməkdaşlığı inkişaf etdirəcək.
Sədaqət Həsənova
