Azərbaycanın hazırda qüvvədə olan qanunvericiliyə əsasən, pensiyalar hər il yanvar ayında əvvəlki ildəki orta aylıq əməkhaqqında artım faizinə uyğun olaraq indeksasiya olunaraq artırılır. Fevral ayı olmasına baxmayaraq, bu proses hələ də icra olunmayıb. Bu isə pensiya artımı gözləyən vətəndaşların narahatlığına səbəb olub.
Gündəm24.az xəbər verir ki, “Yeni Sabah” məsələ ilə bağlı Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fonduna sorğu ünvanlayıb.
Qurumdan bildirilib ki, pensiya artımı ilə bağlı yaxın günlərdə ictimaiyyətdə ətraflı məlumat təqdim olunacaq.
Amma pensiyaların artırılmasının hansı tarixdən qüvvəyə minəcəyi, artımın məbləği və əhatə dairəsi ilə bağlı konkret detallar açıqlanmayıb.
