Rusiya Xarici İşlər Nazirliyinin sözçüsü Mariya Zaxarova ABŞ və İsrailin İranın nüvə obyektlərinə hücumlarını dayandırmalı olduqlarını bildirib və əlavə edib: “Biz bu dağıdıcı hərəkəti qətiyyətlə pisləyirik”.
Gündəm24.az xəbər verir ki,Zaxarova açıqlamasında ABŞ və İsrailin İrandakı dinc nüvə obyektlərinə hücumlarını davam etdirdiyini bildirib.
O, Buşehr Atom Elektrik Stansiyasına və digər enerji obyektlərinə yenidən hücum edildiyini qeyd edərək, bunun beynəlxalq hüquqa zidd olduğunu və Nüvə Silahlarının Yayılmaması Müqaviləsinin və Beynəlxalq Atom Enerjisi Agentliyinin (BAEA) mexanizmlərini sarsıtdığını vurğulayıb./oxu24.az
Zaxarova qeyd edib:
“Biz bu dağıdıcı hərəkəti qətiyyətlə pisləyirik. Bu kursu davam etdirənlər dərhal dayanmalıdırlar. Geniş yayılmış radioaktiv çirklənmə təhlükəsi də daxil olmaqla, bütün risklərə baxmayaraq, təcavüzkarlar Yaxın Şərqdə başlatdıqları müharibəni artırmağa davam edirlər. Bu hücumlar bütün beynəlxalq ictimaiyyət tərəfindən birmənalı şəkildə qınanmağa layiqdir”.
Mətbuat katibi Zaxarova BAEA-nın bu məsələ ilə bağlı dəqiq cavab verməli olduğunu vurğulayıb.
Rusiyanın Dövlət Nüvə Enerjisi Korporasiyası Rosatom-un baş direktoru Aleksey Lixaçev də Buşehr Atom Elektrik Stansiyasındakı vəziyyətlə bağlı jurnalistlərə açıqlamalar verib.
Stansiyaya üçüncü dəfə hücum edildiyini qeyd edən Lixaçev bildirib ki, “Stansiya ərazisində vəziyyət pisləşməyə davam edir. Bu, nüvə təhlükəsizliyinə təhdid yaradır”.
Çərşənbə günü 163 nəfərin təxliyə edildiyini xatırladan Lixaçev daha iki qrupun təxliyə olunmaq üzrə olduğunu bildirib.
