Sumqayıt Regional Mərkəzinin əməkdaşı qol güləşi üzrə yüksək nəticə göstərib.
Sumqayit24.az xəbər verir ki, bu barədə Fövqəladə Hallar Nazirliyinin Mətbuat xidmətindən məlumat verilib.
Məlumata görə, 24-26 iyul 2026-cı il tarixlərində “Sərhədçi” İdman Mərkəzində Gənclər və İdman Nazirliyinin dəstəyi, Azərbaycan Bodibildinq və Fitnes Federasiyasının təşkilatçılığı ilə qol güləşi üzrə U15, U18, U21, qadınlar, senior və masterlər arasında ölkə kuboku keçirilib.
Yarışda ölkənin müxtəlif şəhər və rayonlarından, klub və idman cəmiyyətlərindən 200-dən çox idmançı iştirak edərək müxtəlif çəki dərəcələrində sağ və sol qol üzrə öz qüvvələrini sınayıblar.
Turnirdə iştirak edən FHN-in qol güləşi üzrə kişilərdən ibarət komandasının üzvlərindən biri olan Sumqayıt Regional Mərkəzinin əməkdaşı mayor Rəşad Hacıyev yüksək nəticə əldə edib. Belə ki, senior kateqoriyasında +105kq çəki dərəcəsində mayor Rəşad Hacıyev sağ və sol qol üzrə bürünc medal, master kateqoriyasında sağ qol üzrə bürünc və sol qol üzrə isə qızıl medalın sahibi olub.
Qeyd edək ki, qaliblərə Gənclər və İdman Nazirliyin təsis etdiyi diplom və medallar təqdim edilib.
