Sərnişinlər Koroğlu mübadilə mərkəzindən Buzovna qəsəbəsi istiqaməti üzrə işləyən 107 nömrəli marşrut avtobusunun fəaliyyətindən narazıdırlar.
Gündəm24.az xəbər verir ki, bir sərnişinin çəkdiyi görüntülərdən aydın olur ki, avtobusun gec və dolu olması gəlməsi narazlığına səsəb olur. Sərnişinlər deyirlər ki, sözügedən marşrutdakı avtobuslar çox vaxt həm gec gəlir, həm də dolu olur. Xüsusilə də iş günlərinin pik saatlarında avtobusa minmək müşkülə çeverilir.
Sərnişinlərin narazı olduğu digər məqam isə 107 nörməli marşrut xəttindəki avtobusların köhnə olmasıdır.
Sürücülər isə gecikməni tıxacla əlaqələndirirlər. Onlar bildirirlər ki, avtobus sayı az deyil. İş günlərində 17, bayram günlərində isə 14 avtobus fəaliyyət göstərir.
Məsələ ilə bağlı daşıyıcı şirkətin əməkdaşı Seyran Yaqubov “Xəzər Xəbər”ə bildirdi ki, pik saatlarda yaranan problemlər tıxac və sıxlıqla əlaqəlidir. Bayram günlərində 12 dəqiqə olan interval iş günlərində 9 dəqiqədir.
Yerüstü Nəqliyyat Agentliyindən isə “Xəzər Xəbər”ə bildirildi ki, 107 nömrəli marşrut üzrə 14 avtobus 15 dəqiqə intervalla fəaliyyət göstərir. Daşıyıcıya marşrut xəttinin nizamlı fəaliyyətinin təmin edilməsi, sürücülərin müəyyən edilmiş hərəkət cədvəlinə riayət olunmasına nəzarətin gücləndirilməsi barədə tapşırıq verilib.
Xezerxeber.az mövzu ilə bağlı daha ətraflı videomaterialı təqdim edir.
