“Yeraltı” serialının baş rol ifaçıları Devrim Özkan və Deniz Can Aktaşın birlikdə görüntülənməsi Türkiyə mediasında geniş müzakirələrə səbəb olub.
Ajans.az xarici mediaya istinadən xəbər verir ki, ыerialda Ceylan obrazını canlandıran Devrim Özkanla Haydar Əli rolunu oynayan Deniz Can Aktaşın sevgili olduqları barədə iddialar son günlər gündəmdən düşmür. Məlumata görə, aktyorlar ABŞ-ın Los-Anceles şəhərində yerləşən gecə klublarından birində birlikdə görüntüləniblər. Sosial şəbəkələrdə yayılan fotolar qısa müddətdə böyük maraq doğurub.
Hadisədən sonra diqqətlər Devrim Özkanın keçmiş sevgilisi, futbolçu Lukas Torreiraya yönəlib. Televiziya aparıcısı Ece Erken canlı yayımda Torreira ilə danışdığını iddia edərək futbolçunun yaşananlardan ciddi şəkildə təsirləndiyini bildirib.
Ece Erkenin sözlərinə görə, Torreira yayılan görüntülərə əvvəlcə inanmayıb:
“Atası ilə birlikdə idi və çox kədərlənmişdi. Dedi ki, artıq şəxsi həyatı ilə deyil, futbolçu kimi gündəmdə olmaq istəyir. Devrim Özkan və Deniz Can Aktaşın görüntülərini görəndə bunun həqiqətən doğru olub-olmadığını soruşdu və uzun müddət inanmaq istəmədi”.
Erken həmçinin qeyd edib ki, Torreira münasibətlərin nə vaxt başladığını anlamaqda çətinlik çəkib. Onun sözlərinə görə, futbolçu Fənərbaxça ilə oyundan sonra Devrim Özkanla birlikdə olduqlarını və aktrisanın Amerikaya gedərkən münasibətlərini simvolizə edən üzüyü taxdığını xatırladıb.
Qeyd edək ki, Devrim Özkan və Deniz Can Aktaş tərəfi yayılan görüntülər və münasibət iddiaları ilə bağlı hələlik rəsmi açıqlama verməyib.
