ABŞ prezidenti Tehranın raket imkanlarının tezliklə minimuma endiriləcəyini bildirib.
Gündəm24.az Reuters-ə istinadən xəbər verir ki, Prezident Donald Tramp bildirib ki, İranın Hərbi Dəniz Qüvvələri və Hərbi Hava Qüvvələri məhv edilib və Tehranın raket imkanları tezliklə minimuma endiriləcək. O deyib: “Məqsədlərimiz çox sadə və aydındır. Biz rejimin Amerikaya təhdid etmək və ya sərhədlərindən kənarda güc nümayiş etdirmək qabiliyyətini sistematik şəkildə məhv edirik. Bu, hazırda tamamilə məhv edilmiş İran Hərbi Dəniz Qüvvələrini ləğv etmək, Hərbi Hava Qüvvələrinə və raket proqramına əvvəllər görünməmiş səviyyədə zərər vurmaq və müdafiə sənayesi bazalarını məhv etmək deməkdir. Biz bütün bunları etdik. Onların Hərbi Dəniz Qüvvələri yoxa çıxıb. Onların Hərbi Hava Qüvvələri yoxa çıxıb. Onların raketləri demək olar ki, istifadədən çıxıb və ya sıradan çıxıb”, – deyə Tramp televiziya ilə xalqa müraciətində bildirib.
ABŞ və İsrail 28 fevralda İrana qarşı hərbi əməliyyata başladılar. Tehran da daxil olmaqla, İranın böyük şəhərləri zərbələrə məruz qaldı. Ağ Ev hücumu İrandan gələn raket və nüvə təhdidləri iddiaları ilə əsaslandırdı. İslam İnqilabı Keşikçiləri Korpusu İsraildəki obyektləri hədəf alaraq cavab əməliyyatı elan etdi. Bəhreyn, İordaniya, Küveyt, Qətər, Səudiyyə Ərəbistanı və BƏƏ-dəki ABŞ hərbi bazalarına da zərbələr endirildi. Ali Rəhbər Ayətullah Əli Xamenei və bəzi digər İran liderləri ABŞ-İsrail birgə hücumunda öldürüldü.
Sədaqət Həsənova
