Ştatlar həmçinin ABŞ prezidenti Donald Tramp administrasiyasına İrandakı vəziyyət “daha da gərginləşənə” qədər genişmiqyaslı hücumlara başlamağı gözləməyi təklif ediblər.
Gündəm24.az xəbər verir ki, NBC mənbələrinə istinadən İsrail və bir neçə adsız ərəb ölkəsinin rəsmiləri ABŞ-dan İrana hücum etməməyi xahiş ediblər.
Məlumata görə, bu dövlətlər İranın hazırda kifayət qədər zəifləmədiyinə inanırlar, buna görə də ABŞ-ın zərbələri ölkədə hakimiyyət dəyişikliyinə səbəb olmaya bilər. Onlar həmçinin ABŞ prezidenti Donald Tramp administrasiyasına İrandakı vəziyyət “daha da gərginləşənə” qədər genişmiqyaslı zərbələr endirməyi gözləməyi təklif ediblər.
Çərşənbə axşamı Ağ Ev, Tramp üçün İranla bağlı tədbirlər variantlarını hazırlamaq məqsədilə vitse-prezident JD Vensin sədrliyi ilə Milli Təhlükəsizlik Şurasının iclasını keçirib.
İranda iğtişaşlar dekabrın 29-da İran rialının məzənnəsinin kəskin şəkildə düşməsi ilə başlayan küçə etirazlarından sonra başlayıb və əksər böyük şəhərlərə yayılıb. Hakimiyyət orqanları 38 hüquq-mühafizə orqanı əməkdaşının ölümü barədə məlumat verib. İranın xarici işlər naziri Abbas Əraqçinin sözlərinə görə, 8 yanvarda nümayişçilər arasında silahlı terrorçular peyda olub. İran hakimiyyəti iğtişaşların təşkilində İsrail və ABŞ-ı günahlandırıb. ABŞ prezidenti Donald Tramp əvvəllər Tehrana qarşı güc tətbiq etməyi ciddi şəkildə düşündüyünü bildirmişdi.
Sədaqət Həsənova
