Şair Nazilə Səfərli Xalq artisti Aygün Kazımovanın iştirak etdiyi məclisdə onun üçün üzərlik yandırıb.
Şair üzərliklə bütün zalı dolaşsa da, bitkinin heç kim üçün alışmadığını bildirib. Lakin Aygün Kazımovanın yanına çatanda üzərlik qəfil alışıb.
Nazilə Səfərli həmin anları sosial şəbəkə hesabında paylaşaraq hadisə ilə bağlı bunları yazıb:
“Üzərlik gəlin üçün yandırılır. Öncədən deyilmiş proqram idi. Bütün zalı dolaşdım üzərliklə. Heç kim üçün alışmadı, Aygün xanımın göz-nəzərini götürüb elə alışdı ki, əllərimdə məşələ döndü. Alov əlimə sıçrasa da, qamətimi dəyişmədən səhnəni tərk etməyi bacardım. Çox şükür, heç yerə toxundurmadan ocağı söndürməyə müvəffəq olduq.
Bir balaca təlaşım olsaydı, əlim əssəydi, yaxud büdrəsəydim, böyük yanğına səbəb ola bilərdi. Hər yer parça idi. İndi, iraq olsun, xəbərlərdə idik. Üzərliyin alışması gözlənilməz oldu. Şükür, yaxşı qurtardıq. Allah bizi fövqəladənin xortumuna möhtac etməsin. Göz-nəzər bizi qıracaq”. (Axşam.az)
