Ağ Evin xüsusi nümayəndəsi Vitkoff və ABŞ prezidenti Trampın kürəkəni Kuşnerin də Cenevrədə keçiriləcək Ukrayna danışıqlarında iştirak edəcəyi bildirilib.
Gündəm24.az xəbər verir ki, Qərb mediası məlumat yayıb ki, ABŞ nümayəndələri Ukraynadakı münaqişənin sülh yolu ilə həlli məqsədilə 17 fevral çərşənbə axşamı İsveçrənin Cenevrə şəhərində keçiriləcək Rusiya və Ukrayna nümayəndə heyətləri arasındakı danışıqlarda iştirak edəcək. Ağ Evin xüsusi elçisi Stiv Vitkoff və prezident Donald Trampın kürəkəni Cared Kuşner günün ikinci yarısında Rusiya və Ukrayna nümayəndələri ilə üçtərəfli görüşdə iştirak edəcəklər. Kremlin sözçüsü Dmitri Peskov isə danışıqların yeni mərhələsinin 17-18 fevral tarixlərində keçiriləcəyini təsdiqləyib.
Cenevrə görüşündə Rusiya nümayəndə heyətinə xarici işlər nazirinin müavini Vladimir Medinski rəhbərlik edəcək, əvvəlki raundlarda isə Baş Qərargah rəisinin müavini İqor Kostyuk rəhbərlik etmişdi. ABŞ-ın təqdim etdiyi sülh planına görə, Donbass bölgəsi Moskvanın nəzarəti altına alınacaq, Donbass və Krım Rusiya ərazisi kimi tanınacaq, Zaporojye və Xerson bölgələrində cəbhə xətti dondurulacaq, Ukrayna Silahlı Qüvvələrinin sayı azaldılacaq və Rusiya ərazisinə hücum edə biləcək silahların yerləşdirilməsi qadağan ediləcək. Rusiya tərəfi isə ərazi məsələsi razılaşdırılmadan uzunmüddətli siyasi həllin mümkün olmadığını və Ukrayna Silahlı Qüvvələrinin Donbassdan çıxarılmasının əsas şərtlərdən biri olduğunu vurğulayır.
Sədaqət Həsənova
