2-3 dekabr tarixlərində Macarıstanın Budapeşt şəhərində “Mikulas kupa” bədii gimnastika üzrə beynəlxalq yarış keçirilib.
Beynəlxalq yarışa ev sahibliyi edən Macarıstanla yanaşı, dünyanın bir çox ölkəsindən 400-ə yaxın gimnast qatılıb.
Beynəlxalq turnirdə Azərbaycanı baş məşqçi Sevil Fərəcovanın rəhbərliyi altında “Sports box” klubu 7 gimnast ilə təmsil edib. İştirakçılar arasında olan, klubun 7 yaşlı gimnastı Banu Cəfərli 2016-cı il təvəllüdlü gimnastlar arasında öz qrupunun ən güclüsü seçilərək qızıl medal və kubokla vətənə dönüb.
Xatırladaq ki, Banu Cəfərli keçən ilin oktyabr ayında da Abu-Dabidə keçirilən 5-ci Beynəlxalq Ritmik Gimnastika çempionatının qaliblərindəndir. Banu ölkədaxili və beynəlxalq yarışlarda qazandığı uğurlarla yanaşı, həm də “Landau” məktəbinin nümunəvi 2-ci sinif şagirdidir.
