ABŞ lideri həmçinin İranın dialoqda iştirak etməməsi halında “əvvəllər heç vaxt görünməmiş problemlərin” yaranacağını söyləyib.
Gündəm24.az xəbər verir ki, ABŞ prezidenti Donald Trump İranın Vaşinqtonla dialoqu davam etdirəcəyinə inandığını bildirib və xəbərdarlıq edib ki, əks halda Tehran ciddi problemlərlə üzləşə bilər. O, mümkün razılaşmanın yalnız İranın nüvə silahından imtina etməsi şərti ilə mümkün olacağını vurğulayıb.
Bu açıqlamaya cavab olaraq İran Parlamentinin sədri Məhəmməd Bağır Qalibaf bildirib ki, ABŞ təzyiqləri davam etdirərsə, Tehran danışıqlara getməyəcək. O, həmçinin ölkəsinin hərbi sahədə yeni güc balansı nümayiş etdirməyə hazır olduğunu və bunun üçün son həftələrdə hazırlıqların aparıldığını qeyd edib.
Fevralın sonunda ABŞ və İsrailin başlatdığı əməliyyatlardan sonra bölgədə gərginlik yüksəlib, apreldə isə qısa müddətli atəşkəs əldə olunub. Aprelin ortalarında keçirilən danışıqlarda ABŞ nümayəndə heyətinə JD Vance rəhbərlik etsə də, tərəflər arasında ciddi fikir ayrılıqları qalır və növbəti görüşün taleyi hələ də qeyri-müəyyən olaraq qalır.
Sədaqət Həsənova
