Kuba Enerji və Mədən Nazirliyi Milli Elektro-Enerji Sisteminin (SEN) qismən çökməsi səbəbindən ölkə daxilində genişmiqyaslı elektrik kəsintiləri elan edib. Açıqlamada bildirilir ki, enerji təchizatında ciddi problemlər səbəbindən Kubanın təxminən 70%-i bağlanmağa məcbur olacaq.
Sfera.az xəbər verir ki, Kuba Enerji və Mədən Nazirliyinin verdiyi açıqlamasında milli elektrik şəbəkəsinin bir hissəsinin oflayn olduğu və enerji istehsalında ciddi problemlərin olduğu bildirilib.
Bəyanatda ölkənin təxminən 70% elektrik enerjisi təchizatının pik saatlarında planlaşdırılmış şəkildə kəsiləcəyi bildirilir.
Kuba mətbuatındakı xəbərlərdə bildirilirdi ki, milli enerji sistemindəki problemlərin əsas səbəbləri yanacaq çatışmazlığı və ABŞ embarqosu səbəbindən elektrik stansiyaları üçün lazımi ehtiyat hissələrinin əldə edilməsindəki çətinliklərdir.
ABŞ embarqosu həyatı iflic edib.
Xatırladaq ki, 30 yanvarda Donald Tramp Kubaya neft tədarük edən və ya satan ölkələrin bütün məhsullarına əlavə tariflər tətbiq edən prezident fərmanını imzalayıb. Ağ Ev qərarın ABŞ-ın milli təhlükəsizliyini və xarici siyasət maraqlarını Kubanın “zərərli siyasət və fəaliyyətlərindən” qorumaq məqsədi daşıdığını bildirib.
1 fevralda Tramp Kuba hökuməti ilə neft tədarükünün bərpası ilə bağlı danışıqların başladığını elan etdi, lakin Kuba bu iddianı təkzib edib.
Bu hadisələrdən sonra Kuba hökuməti sistemi xarici neft axını olmadan saxlamaq üçün təcili tədbirlər görüb.
