ABŞ, İranın mövqeyini öyrəndikdən sonra Tehrana bir sıra razılaşmaları ehtiva edən təklif paketi təqdim edib. Şərtə əsasən, sənəddə yer alan maddələr danışıqların əsas mərhələsi ilə eyni vaxtda İran tərəfindən qəbul olunmalıdır.
Gündəm24.az xəbər verir ki, bu barədə İslam İnqilabı Keşikçiləri Korpusu (SEPAH) ilə əlaqəli olduğu bildirilən iranlı jurnalistdir Əli Qolhaki deyib.
Məlumata görə, təklif paketinə aşağıdakılar daxildir:
bütün cəbhələrdə hərbi əməliyyatların dayandırılması;
ABŞ-ın Hörmüz boğazına tətbiq etdiyi blokadanın aradan qaldırılması;
Hörmüz boğazının İranın müəyyən etdiyi tarif və marşrut şərtləri ilə yenidən açılması;
dondurulmuş İran aktivlərinin 25 faizinin — təxminən 25 milyard dolların azad edilməsi;
İran neftinin satışına tətbiq olunan sanksiyaların 30 gün müddətinə dayandırılması.
Danışıqların əsas mərhələsində isə aşağıdakı şərtlərin müzakirə olunduğu bildirilir:
400 kiloqram uranın İrandan çıxarılması və mümkün halda üçüncü ölkəyə göndərilməsi;
İranın uranı 3,67 faizə qədər zənginləşdirmək hüququnun tanınması (məqalədə qeyd olunur ki, ABŞ-ın yekun mərhələdə buna razılaşması inandırıcı görünmür);
tibbi məqsədlərlə istifadə olunan Tehran reaktoru istisna olmaqla, digər nüvə obyektlərinin bağlanması.
Əli Qolhaki bildirib ki, İran ABŞ-ın təklif etdiyi bütün mərhələlərin 30 gün ərzində həyata keçirilməsini istəyir. Tehran bununla həm neft satışını bərpa etməyə, həm də Vaşinqtonun nüvə danışıqlarına həqiqətən ciddi yanaşıb-yanaşmadığını yoxlamağa çalışır./konkret.az
