ABŞ-ın maliyyə naziri Skott Bessent İran aviaşirkətlərinə qarşı tətbiq ediləcək sanksiyalarla bağlı açıqlama verib.
Gündəm24.az xəbər verir ki, bu barədə “İndependent” məlumat yayıb. Bessentin sözlərinə görə, sentyabrın 23-dən etibarən İran aviaşirkətləri beynəlxalq uçuşlar həyata keçirməkdə ciddi çətinliklərlə üzləşə bilər.
O bildirib ki, İran aviadaşıyıcılarının xarici ölkələrdə yanacaq və yerüstü xidmətlərdən istifadəsinə, həmçinin bilet satışına məhdudiyyətlər tətbiq edilə bilər.
Bessent qeyd edib ki, ABŞ İran aviaşirkətləri ilə əməkdaşlıq edən şirkətləri də yaxından izləyir.
ABŞ prezidenti Donald Tramp bundan əvvəl İrana qarşı iqtisadi kampaniyaya başladığını açıqlayıb. Bessent isə bildirib ki, Tramp dünya liderləri ilə İranla əməkdaşlığın dayandırılması məsələsi üzrə fəal danışıqlar aparır.//globalinfo.az
