Son dövrlərdə uşaqlar arasında suçiçəyi hallarının artması cəmiyyətdə, xüsusilə valideynlər və təhsil müəssisələri arasında ciddi narahatlığa səbəb olub.
Ajans.az xəbər verir ki, yoluxuculuq səviyyəsinin yüksək olması nəticəsində xəstəlik qısa müddətdə bağça və məktəb kollektivlərində sürətlə yayılır. Bu isə həm uşaqların sağlamlığına, həm də tədris prosesinə mənfi təsir göstərir.
Mövcud vəziyyət valideynləri övladlarının sağlamlığına qarşı daha diqqətli olmağa sövq edir, eyni zamanda təhsil müəssisələrində profilaktik tədbirlərin gücləndirilməsini zəruri edir.
error Domain not found or unverified! 84
Xəstəliyin ilkin əlamətlərinin vaxtında müəyyən edilməməsi və ya uşaqların tam sağalmadan kollektivə qayıtması yoluxma riskini daha da artırır. Nəticədə suçiçəyi artıq təkcə fərdi sağlamlıq problemi kimi deyil, kütləvi xarakter alan ictimai məsələ kimi dəyərləndirilir.
