Türkiyənin paytaxtı Ankarada azyaşlı qızını girov götürən şəxs polis əməliyyatı nəticəsində zərərsizləşdirilib.
Gündəm24.az xəbər verir ki, hadisə Ankaranın Etimesgut rayonunda baş verib. İddiaya görə, bir nəfər 3 yaşlı qızını bıçaqla girov saxlayaraq ətrafdakılara təhlükə yaradıb.
Hadisə yerinə polis, təcili tibbi yardım və yanğınsöndürmə briqadaları cəlb olunub. Hüquq-mühafizə orqanlarının əməkdaşları şübhəli şəxsi təslim olmağa razı salmağa çalışsalar da, bu, mümkün olmayıb.
Bundan sonra xüsusi təyinatlı polis qüvvələri əməliyyat keçirib. Əməliyyat zamanı azyaşlı qız xilas edilib, ata isə zərərsizləşdirilib.
Məlumata görə, hadisə zamanı polis xidmət itlərindən biri də yaralanıb.
Hadisənin başvermə səbəbləri araşdırılır./BizimMedia
