Sumqayıt Ağır Cinayətlər Məhkəməsində qardaşını bıçaqalamaqda təqsirləndirilən Söhrab Hüseynovun cinayət işi üzrə məhkəmə prosesi başa çatıb.
Oxu.az-ın məlumatına görə, prosesdə təqsirləndirilən şəxsə hökm oxunub. Məhkəmənin hökmü ilə S.Hüseynov 8 il azadlıqdan məhrum edilib.
İttihama görə, hadisə ötən il Şabran şəhəri ərazisində baş verib. Şəhər sakini, içki aludəçisi olan S.Hüseynov evinə gələrək, qonşu həyətdə yaşayan, ögey qardaşı Teymurdan araq almaq üçün pul istəyib. Teymur isə ona araq üçün pul verməyib. Söhrab evə qayıdarkən görüb ki, su pulu vermədiyi üçün onun həyətinə suyun verilməsi dayandırılıb. O, həyətdən qab götürərək qardaşıgilə gedib və ondan pul istəyib. Qardaşı həmin qabı su ilə doldurub ona verərkən Söhrab yenidən ondan araq üçün pul istəyib. Teymur isə ona yenidən rədd cavabı verib. Bu vaxt Söhrab cibindəki bıçaqla Teymura kürək nahiyəsindən iki zərbə endirib.
Teymur xəstəxanaya yerləşdirilib. O, xəstəxanadan sağalıb çıxsa da, sonradan vəfat edib.
Polis əməkdaşlarının keçirdikləri tədbirlərlə hadisəni törətməkdə şübhəli bilinən S.Hüseynov saxlanılıb.
