Pakistanın Baş naziri Şahbaz Şəriflə İran Prezidenti Məsud Pezeşkianın qatıldığı rəsmi tədbirdə diqqətçəkən məqam yaşanıb.
Gündəm24.az xəbər verir ki, görüş proqramına daxil edilən simvolik ağacəkmə mərasimində İran liderinin davranışı iştirakçıların marağına səbəb olub.
Belə tədbirlərdə adətən dövlət və hökumət başçıları ağacın dibinə bir neçə kürək torpaq atmaqla mərasimi yekunlaşdırırlar. Lakin Pezeşkian bununla kifayətlənməyərək ağacın düzgün yerləşdirilməsi və torpağın möhkəmləndirilməsi üçün işi sona qədər davam etdirib.
Bu zaman Şahbaz Şərif zarafatla İran Prezidentinin çiyninə toxunaraq onu dayandırmağa çalışsa da, Pezeşkian ağacəkməni tamamlayana qədər işini davam etdirib.
Mərasim iştirakçıları tərəfindən təbəssümlə qarşılanan bu anlar sosial şəbəkələrdə də geniş maraq doğurub və qısa müddətdə ən çox paylaşılan videolardan birinə çevrilib./bizimmedia
